فى الاول نتعرف ع الزوج وهو صابر والزوجه بسمه بدأ يكتب مذكراته منذ اليوم الواحد والثلاثين من زواجه اى بعد ان مر على شهر العسل يوم واحد بالتمام والكمال
اليوم الاول بعد شهر العسل :
الصباح
انا نايم فى امان الله وباحلم ايام ما كنا صغيرين وكنت بالعب مع بنت خالى امنيه فى البيت الكبير وكنت باقولها اطلعى يا امنية لحسن امسكك وانا من عادتى اتكلم وانا نايم مجرد تعبير عما بداخل عقل الباطن فجاه تتغير الحال والقى ايد تنزل على كتفى وتقول قوم يا باشا يا بتاع امنيه امنيه مين دى يا استاذ صابر وافاجا بمراتى بسمة الغيورة جداا على مش عارف لية ، المهم اصحى الاقى الساعه 6 صباحا وهى قاعده جنبى ع السرير ويتقولى وكمان بتحلم بيها وانت جنبى وبتلعب معاها استغماية طلقنى انت مش بتحبنى !!!!!!!!!!!!
حاولت افهمها الموضوع وكمان الكلام ده واحنا صغيرين ودلوقتى امنية متجوزة ومخلفة ولدين وسعيده فى حياتها وعمر ما كان بينى وبينها اى حاجه خالص المهم على ما اقتنعت كانت الساعه 7.30 قلت اقوم ادخل الحمام علشان استعد للشغل
دخلت الحمام وانا من عادتى اغنى فى الحمام المهم كنت باغنى انا وليلى والجلاله حصلت ليا وانا باقول ليلى بصوت عالى وصل للمدام وهى بتحضر الفطار وعينك ما تشوف الا النور احلى طبق فى المطبخ نزل عليا اول ما طلعت من الحمام والقى الدم شغال من جنب عينى زى الورد !!!!! كتمت الصرخه جوايا وقلت فى سرى حسبى الله ونعم الوكيل ورحت معدول على القبله واغمى عليا !!!!
فقت من الغيبوبة بعد حوالى 5 دقايق اغماء لقيت تحت عينى احلى واجمل لاصق الجروح المعروف ولقيت المدام بتبكى جنبى وتقول انا خلاص مليش عيش معاك احنا لازم نطلق علشان انت عينك زايغه مين ليلى اللى انت كنت بتناديها وانت فى الحمام اكيد الحب الاول مقدرتش تنساه لازم نطلق !!!!!!! فهمتها الموضوع المهم الحمد لله فهمت الموضوع وكانت الساعه 8.15 صرخت فيها وقولتلها الشغل اتاخرت على الشغل !!!!!!!!!
على السلم
انا والمدام نازلين على السلم رايحين الشغل ع فكرة المدام بتاعتى بتشتغل مدرسة تربية رياضية المهم واحنا نازلين قابلنا الست منى جارتنا اول ما شافت الجرح تحت عينى قالت يا خبر الف سلامه خير اية اللى حصل ، ردت المدام ابدا اتعور فى الشباك ابتسمت معلنا انى موافق ع الكلام
المدام واحنا نازلين على السلم راحت منفذه فيا حركه من بتوع الكارتية نزلت السلم قبلها وبسرعه كبيرة جدا وعلى فكرة احنا ساكنين فى الدور السادس ومش هاقدر اكمل دلوقتى علشان رجل اتجبست !!!!!!!!!!!!!
